VIVIのBlog

咿咿呀呀

vicky_to — Thu, 08 Jan 2009 22:07:55 +0800

早幾星期前，婆婆上親黎同BB傾計，BB己經識回應婆婆了，但唔係成日都應。尼幾日，我地成日同BB傾計，BB幾乎次次都"咿咿呀呀"咁回應我地，仲成日笑添，佢好似好開心咁，BB你真是很可愛呢。

BB，你幾時先識叫"媽媽"呢？？

去健康院覆診

vicky_to — Mon, 05 Jan 2009 22:06:32 +0800

今日一早又要同BB去健康院覆診，最主要都係磅重、度頭圍同埋身長、見姑娘。BB今日磅重有11.3磅啦，兩個月有11.3磅都OK啦，姑娘都話BB各樣都幾好，因為唔洗打針，所以見完姑娘約埋覆診日期就走lu

打針

vicky_to — Sun, 04 Jan 2009 21:45:01 +0800

為左晴BB著想，我地決定唔去健康院打針，所以就今日約左係屋企附近既私家診所打針，咁BB就可以打少幾針又得到最好既保障啦！早一個星期，我地就己經比晒錢訂左五合一、肺炎鏈、同埋輪狀病毒口服劑，確保今日一定有針打！

因為要就返D食奶時間，原本諗住十一點去診所打針，但係經晴爸爸打電話診所問姑娘後，姑娘話人多，所以就延遲到一點先去打。

差唔多一點，我地就行去診所，等左幾個人之後，就到晴BB啦！入到去，姑娘話比輪狀病毒口服劑佢食左先，原先我同晴爸爸諗住BB實唔肯食又扭計，點知晴BB訓緊覺比人餵食藥時，佢居然肯食，原來D藥係甜既，佢仲要食到起身，食到最尾果啖時，BB仲笑出聲添呀，我地同姑娘都覺得BB好好笑！食完藥之後，就要打針啦，左右腳大脾各一枝，好彩BB都係喊左兩聲就收聲啦，幾叻豬。

打完針，我地就返屋企啦，可能打左針同食左藥既關係，晴BB全日都訓覺呢

除夕夜

vicky_to — Wed, 31 Dec 2008 20:55:52 +0800

今年既除夕，晴爸爸終於有假放啦，由我識晴爸爸開始，晴爸爸都未試過除夕放假既，今年佢居然有得放假，我真係第一年同佢過除夕。不過今年既除夕，我地都無出街，係屋企平平淡淡咁同BB一齊倒數，係到數時刻，我地對住個電視影相添，真係無聊到爆呢.........XDDD

HAPPY NEW YEAR！

結婚一週年啦

vicky_to — Sun, 28 Dec 2008 20:34:30 +0800

今日係結婚一週年紀念日，還記得上年尼日過得非常之開心。雖然今日好平淡咁渡過，不過今年我地多左個BB陪我地，BB陪我地渡過好多喜慶日子；如浩B既生日、我既生日、聖誕節、結婚週年紀念日同埋黎緊既除夕，BB既出世都算出世得合時啊，佢係我地所有喜慶日子既禮物，而且我最想最想佢係十一月出世同埋仲要係天蠍座，尼兩樣都比我恨到己經好開心啦，開頭我都幾驚佢早過十一月出世或者過期居留嫁.......哈哈

BB就黎兩個月大啦，依家佢變左好多囉

結婚一週年紀念前夕

vicky_to — Sat, 27 Dec 2008 19:31:35 +0800

聽日就係結婚一週年正日，因為晴爸爸後日要返早，為免聽日攪到好夜先訓，所以提早今日慶祝啦！

下午，我地一家三口出左去新城市廣場行街同買埋今晚既食物，其實同埋BB出街要預備好多野，BB既行裝都好重下，所以去得耐既話，我係唔會單獨同亞B出街既！行到咁上下時間，我地就去一田買食物啦，我地今晚決定食和牛鐵板燒，去到一田超級市場，一見到D和牛己經流口水啦，還記得上年去北海道食和牛食到念念不忘，一年先食一次和牛又唔會食到悶，我地買左兩塊A5級和牛，同埋買左D刺身&其他野食就歸家啦。

返到屋企，我地先同BB沖涼，然後就拎返成年無用過既鐵板燒烤爐出黎，SET好晒野就開始食我地既晚餐啦，D和牛果然好好味，真係食到唔停得口呢！

你地睇下D和牛幾靚....XDDD

塊和牛仲大過BB個頭嫁......哈哈哈

gift

vicky_to — Thu, 18 Dec 2008 23:06:26 +0800

仲有10日就一週年結婚紀念日啦，今日浩B送左對耳環比我，我當然好開心啦！其實你唔送野比我，我都會好開心，因為今年我地多左個BB女，尼個女帶比我地好多歡樂，雖然湊BB好辛苦，但係辛苦得黎我都好開心啦

謝謝你

手仔模

vicky_to — Wed, 17 Dec 2008 23:01:34 +0800

今日下午去左健康院做產後檢查同埋做子宮頸普查，產後檢查一切正常，而子宮頸普查結果就要遲D先知。

上個星期整左隻腳仔，今日就同BB整埋隻手仔，同另一隻腳仔啦！幫亞B整手仔、腳仔模時，亞B依然都係喊晒啦，不過你大個左睇返，我覺得你一定會好鐘意囉，你喊下都值得既！

BABY ART

vicky_to — Sun, 07 Dec 2008 23:04:03 +0800

浩B今日去斗斗城買左BABY ART 返黎幫BB整手、腳模，夜晚食完飯即整

浩B攪完碗印模物料後，就話等差唔多乾時先塞亞B隻腳仔落去，話唔洗亞B浸咁耐喎，正當想塞亞B隻腳落去既時候，成碗野乾晒囉，咁就浪費左一個印模啦.......=_=

第二碗就醒目啦，攪完拿拿臨塞亞B隻腳落去，亞B當然扭計啦，開頭喊嫁，好彩最後佢都唔郁......點解唔郁，因為食緊人奶囉！整完個印模就倒D瓷石粉落去啦，等多十五分鐘就完成。

過左十五至二十分鐘到，浩B就好小心咁撕開個印模啦，驚住整爛隻腳仔嘛

完成品呀，不過個腳面有少少氣泡

依家知道點整，遲點再去買多兩盒返黎，整晒d手手、腳腳先得！

BB滿月啦

vicky_to — Fri, 05 Dec 2008 19:38:59 +0800

今日係BB滿月既大喜日子！

一早就要去健康院，因為亞B要打第二枝乙型肝炎針。到達健康院後就去磅重，亞B有9磅重啦，磅完重後就發覺唔記得帶奶樽，奶樽尼樣野對我個B黎講係好重要的，如果無得食，佢就會喊到拆天，點氹都無用，係佢心中食係最重要既，所以係健康院唔知要等幾耐既情況下，浩B就決定返屋企拎奶樽喇，而我就繼續係健康院等。浩B走左無耐，亞B就見姑娘啦，姑娘睇返亞B既重量同頭圍後，話亞B大得幾好，姑娘了解埋亞B既食奶同大小便情況後就出返大堂等打針。出到大堂無耐，就叫我個B去打針啦，入到打針房，我第一時間打比浩B先啦，睇佢返到去屋企未，結果佢係未返到屋企，咁當然叫佢返轉頭接我地啦。打完比浩B，姑娘就叫我露出亞B個大脾，跟住姑娘就一野吉落亞B個大脾到啦，亞B即時喊啦，不過好彩，佢唔係喊得好勁，我自己一個都可以應付到亞B，打完針後，浩B就返到黎健康院接我地歸家啦！

到夜晚，我地大約七點鐘就去到酒樓，今晚同亞B擺滿月酒，D親戚朋友到左就影下相先，大約八點幾就開席，十點幾鐘散席，散席後我同浩B就拿拿臨返屋企，因為要幫亞B洗白白。今晚亞B尚算乖，無乜扭計，因為係酒樓時佢係咁訓覺，係食野先扭左陣姐！

最後，希望BB健健康康，快快樂樂啦！

出發去酒樓前都要扭食奶......

出世紙

vicky_to — Thu, 27 Nov 2008 16:59:36 +0800

今日浩B去入境處幫亞B拎出世紙，而我就留係屋企湊BB，今日亞B終於都有身份證明文件啦，同埋佢終於都有名啦.......哈哈哈

我的生日

vicky_to — Thu, 20 Nov 2008 16:53:11 +0800

今日係我生日，亦都係亞B抽血出事電話既最後一日。我當然唔希望接到尼個電話啦，幾經辛苦捱到五點，office hour過左，我都無接過電話，即係亞B的甲狀腺結果係正常，我的心情先放鬆了！尼個星期真係擔心到不得了，幸好最終都沒事了！

最後都要跟自己說聲生日快樂！

抽血驗甲狀腺

vicky_to — Thu, 13 Nov 2008 16:18:48 +0800

今日一早起身出發去長沙灣賽馬會診所，到達診所後就入到一間房登記，登記好晒後，姑娘就開始講解返什麼叫甲狀腺，同埋治療方法，聽完講座就係大堂等叫名抽血，等左一段時間都未到我個B，但係我個B夠鐘就奶啦，亞B就係咁扭計，但又唔餵得，要抽完血先餵得，幾經辛苦終於到我個B入去見醫生啦。

見到醫生，醫生先問我地D家族成員有無D咩遺傳病，再簡單地檢查BB後，就叫我同浩B出返房等，可能佢唔想我地見到亞B比人拮針抽血啦。出到房外，我聽到亞B喊到拆天，好大聲好慘咁，過左陣就入得去接返亞B啦，亞B止左血後，就餵奶啦，餵奶亞B先收聲唔喊，聽見佢喊，心都痛埋！

下星期四前收唔到電話，亞B即係正常無事了。

第二次覆診

vicky_to — Wed, 12 Nov 2008 16:09:24 +0800

因為尋日姑娘話我餵人奶餵得唔好，加上佢驚我乳腺發炎，所以今日又要去健康院覆診。今日主要係見姑娘睇返我餵人奶既姿勢正唔正確同埋亞B食得好唔好，姑娘見我乳房無咁脹，清緊D奶，再見埋醫生後就走人

第一次去母嬰健康院覆診

vicky_to — Tue, 11 Nov 2008 15:32:45 +0800

今日BB出院後第一次去母嬰健康院覆診。去到健康院，首先登記資料，然後就去磅重先。入到磅重房，姑娘話要除晒BB D衫同尿片黎磅，我同浩B都覺得大件事啦，因為亞B一除衫就喊嫁啦，佢以為去沖涼好驚咁，但無計......我地拿拿臨除晒就即刻去磅重，然後拿拿臨同亞B穿返D衫，之後就係大堂等叫名見姑娘。入到去見姑娘，姑娘就幫BB check黃疸，結果都ok，唔洗照燈，跟住姑娘就問我D私人問題同教我餵人奶既姿勢，因為姑娘話我餵得唔好，所以聽日又要返去覆診，之後再約埋下次覆診日期就走人！